موضوع: رواية ... طلبتك وقول تم.. الأحد أغسطس 23, 2009 4:34 am
الصراحه انا حبيت تشاركوني روايتي وان شا الله اذا عجبتكم راح اكملها لكم بس اهم شي لا تجاملو والي دحين راح اوريكم هيا جزء بسيط منها وان شاء الله تعجبكم
عائلة (أبو راكان) أبو راكان:رجل أعمال وهوا جدا حنون أم راكان: ربت منزل مره طيبه وعلي نياتها راكان :عمره 24 سنه يدرس في الكلية ومتطمن على الوظيفة و في وسامة الولد السعودي وهوا شخصيه جدا مرحه احمد: عمره20 ولد طايش همو كلو الانترنت والمعاكسات وهو ولد روعه وكشخه فرح:عمرها 18 سنه بنت مره حلوه وكجول ومتهورة لاقصى الحدود حلا: عمرها 15 سنه بنت مره ناعمه وشقيه والي في راسها لازم تنزله
عائله (أبو سلطان ) ام سلطان: حرمه قويه محد يقدر يكسرلها كلمه كلمتها تمشي على الكبير قبل الصغير سلطان :الأخ الكبر والمسؤل عن العائلة بعد وفاة والده وهوا عمره 26 عبد المجيد:والد حلو وعربجي وكل يوم بمشكله وهوا قد راكان مي:عمرها 19 وهيا صاحبة فرح الروح بالروح لكن مايتفقو بكل الأشياء ساره:عمرها 16 بنوته روعه وتجنن و مره ناعمه وراح تتعرفو على عائلات تانيه فى الروايه . . . . اهل البيت كلهم نايمين الا هيا قامت فكت الكمبيوتر على غرفه من غرف الدردشه وجلسة تتونس عليهم
حلا: فرح انتي لسا ما نمتي فرح:ايش صحاكي حلا:نور الشاشه في وجهي وماتبغيني اصحا فرح:خلاص روحي نامي دحين راح اقفل حلا : لا خلاص خليكي على راحتك فرح :طيب........ولا اقلك طفشت بقوم انام احسلي . . . . على الظهر كلهم صحيو الا فرح ام راكان في المطبخ تجهز الغدا مع الخدامه احمد :امي فين بناتك ام راكان:تلاقيهم في غرفتهم ماصحيو احمد:تحبي اصحيلك هما ام راكان: طيب روح دخل احمد على اخواتو لقا حلا جالسه علي الكبيوتر وفرح نايمه احمد: فرح فرح فرح:آآآآآآآآآآه احمد: هيا قومي فرح:يصير خير.. دحين اقوم احمديأشر بيدو لحلا:حلا قومي شويه حلا: واي احمد:ابغى الكبيوتر شويه حلا :انت جاي هنا عشان تصحي فرح مو عشان تقعد على الكبيوتر فرح: احمد اقول اطلع بره خليني اعرف انام احمد: افا يافرح كذا تقوليلي فرح: حتي انتي يا حلا برا حلا: افتكريها يا فرح طيب فرح: برا برا خرجو كلهم وقامت فرح اخدت لها شور ونزلت الكل متجمع كل عاده على الطاولا إلا راكان ابو راكان: فين راكان اجل احمد : والله ياأبويا راح الورشه سيارة عطلانه فرح مبرطمه: طيب يا بابا مين اليوم راح يودينا السوق احمد يعيب عليها: (طيب يا بابا مين اليوم راح يودنا السوق) خليكي من الدشره مالها داعي فرح: محد وجهلك كلام ياليت تسمعنا صمتك ابو راكان: خلاص روقو ام راكان: فرح حبيبتي اليوم من غير شي مايمدينا نخرج عشان بيت عمك ابو سلطان بيجونا فرح :اها بس امس كلمت مي وماقالتلي احمد:وكيف حالها فرح مستعربا : مين هيا احمد: مي فرح: وانت ايش دخلك احمد : ولا شي بس حبيت اسأل فرح جات تتكلم بس قاطعتها حلا عشان تنقذ اخوها من دي الورطه لانها تعرف انو يحبها حلا: ماما متى بيجو ..( وغمزت لاخوها) فرح: حلا تراني فهمتك حلا تناظر فرح بنص عين:طيب ايش اسويلك ام ركان : يمكن بعد المغرب حلا :اها طيب متي بتجيبولي الغرفه والله فرح سارت تزلني زل فرح شهقت:انا يالمنافقه يالكذابه ابو راكان:هههههههههه خلاص ان شاء الله بكره روحي انتي وراكان وجيبي الي يعجبك انا عندي كم حلا
في بيت ابو سلطان مي: ماما متى بتروحي بيت عمي ام سلطان :مدري وقت مانخلص مي: سلطان وعبد المجيد بيجو ام سلطانك: سلطان اكيد لانو هوا الي قلي وعبد المجيد والله مدري مي بصوت اشبه بالهمس: هوا عبد المجيد يقدر يفوت فرصه زي هدي ام سلطان : ايش فيه عبد المجيد عبد المجيد: سامع اسمي مي:لالا مافي شي وسيبتهم وقامت عبد المجيد: ها امي تبغي شي مني ام سلطان : ليش علي فين عبد المجيد: والله خارج مع الشباب ام سلطان : بس احنا رايحين عند عمك ابو راكان عبد المجيد: اذا كان كدا خلاص بروح معاكم عشان ليا فتره ماشوفت راكان واحمد اسلم عليهم بعدين اروح على الشباب نرجع لبيت ابو راكان كانت فرح لابسه تيشرت احمر وابيض وبرموده جنز ورابطه على شعرها القصير شريطه حمره وحاطه مكياج ناعم وكان شكلها مره حلو .... وكانت حلا لابسه تنوره قصيره لونها اسود وبلوزه بدي بيضه ورافعه شعرها وكانت هيا كمان شكلها مرره حلو... حلا تدق الباب على فرح فرح :تفضل حلا : واااااااااااااااااااو شكلك روعه فرح: عيونك الحلوه حلا: اوكي ترا خلاص مابقيلهم الي قليل ويوصلو فرح متحمسه: من جد؟؟ حلا: ايوه ليش تحمستي فجأه
الرئيسية 
موضوع: رواية ... طلبتك وقول تم.. 
الأحد أغسطس 23, 2009 4:34 am
